ထုတ်ကုန် အသစ်များကို မိတ်ဆက်ရန် တစ်မျိုးတည်းသော နည်းလမ်းကောင်း

ဒီနေ့မှာတော့ သင်အတွက် ကုန်ပစ္စည်းသစ် မိတ်ဆက်ဖို့ တစ်ခုတည်းသော နည်းလမ်းကောင်း အကြောင်း ပြောကြရအောင်။

ဒီတစ်ခုကို သင် သိရှိသွားလို့ အရှုံး မရှိစေ ရပါဘူး

ယနေ့မှာတော့ ဒီအကြောင်းကို မိသားစုနဲ့ အတူ လက်လီ အရောင်း လုပ်ကိုင် နေသူတွေ၊ ပြည်ပမှ လူကြိုက်များတဲ့ ထုတ်ကုန်များကို ဝယ်ယူလာပြီး ရောင်းချ လိုသူတွေနဲ့ ကိုယ့်စိတ်ကြိုက် ထုတ်ကုန်များ ဖြန့်ဖြူးလိုသူများ အတွက် နားထောင်ကြည့် စေချင်ပါတယ်

ဘယ်လို စဉ်းစားပြီး ဘာတွေ လုပ်ကိုင်ရမယ် ဆိုတဲ့ စံ သတ်မှတ်ချက် တွေကိုနားလည် လာပါလိမ့်မယ်

သင့်အနေနဲ့ နောက်ထပ် ဘာလုပ်ရမယ် ဆိုတာကို ရှင်းရှင်းလင်းလင်း သိနေမှာ ဖြစ်တာကြောင့် သင်ရဲ့လုပ်ငန်း ကလည်း ပိုပြီး မြန်မြန် တိုးတက် လာပါလိမ့်မယ်

ဒီတော့ အ‌ကြောင်းအရာကို စလိုက် ကြပါစို့

အလှကုန်ရောင်းချခြင်းကိုဥပမာထားပြီး

သင်က ဂျပန်မှာ ခဏတာ နေခဲ့ဖူးတယ် ဆိုကြပါစို့

အဲဒီအချိန်တုန်းကအသုံးပြုခဲ့တဲ့ အလှကုန် ပစ္စည်း တစ်ခု ရှိပါတယ်

အဲ့တာက လူသိများတဲ့ ထုတ်လုပ်သူတွေ ဖြစ်တဲ့  Shiseido သို့မဟုတ် KOSE တို့မဟုတ်သလို SK-II လိုမျိုး အလွန် ကျော်ကြားတဲ့ Brand လဲ မဟုတ်ပါဘူး

ဒါပေမယ့် အလွန် ရလာဒ်ကောင်းတဲ့ ထုတ်ကုန် ဖြစ်ပြီး ဈေးချိုချိုနဲ့ ရောင်းချတာကြောင့် အမြဲ အသုံးပြု ခဲ့ပါတယ်

အခု မြန်မာပြည်ကို ပြန်လာပြီး အဲ့ပစ္စည်းကို မြန်မာပြည်မှာ မိတ်ဆက်ပေးရင် ကောင်းမယ်လို့ တွေးမိပြီး  လက်လီ တင်သွင်းပြီး စီးပွားရေးတစ်ခု စတင်ရန် စဉ်းစားနေပါတယ်

အဲ့ဒီတော့ မြန်မာပြည်မှာ ရောင်းတဲ့အခါ ဘာကို အခြေခံပြီး ဘယ်သူ့ကို ဘယ်လိုရောင်းချမယ် ဘယ်လိုပရိုမိုးရှင်း လုပ်မယ် ဆိုရင် ကောင်းမယ် ထင်သလဲ

အတွေး တစ်ခုခုများ ရသွားပြီလား ဒါဆို ဆက်သွား ကြရအောင်

ကုန်ပစ္စည်းအသစ်တခုကိုဘယ်သူကမှမသိဘူးဆိုတာက သဘာဝပါ

ကုန်ပစ္စည်း အသစ်တစ်ခုကို ရောင်းတဲ့ အခါ စဉ်းစားရမည့် အချက်က စျေးကွက်အတွင်းမှာ ကုန်ပစ္စည်း ဘယ်လောက် လူကြိုက် များတယ် ဆိုတာကို သိဖို့ပဲ ဖြစ်ပါတယ်

အထူးသဖြင့် စျေးကွက်ရဲ့16ရာနှုန်း အထက်က ကုန်ပစ္စည်းကို သလား မသိလား သိဖို့ အရေးကြီး ပါတယ်

၁၆ရာခိုင်နှုန်းကို အခြေခံပြီး ပစ်မှတ်ထားရမယ့် သူတွေအပေါ် လုပ်ဆောင်ရမယ့် အချက်တွေက အမျိုးမျိုး ကွဲပြား နေပါလိမ့်မယ်

သိတဲ့သူပမာဏက၁၆ရာနှုန်းဆိုတဲ့အတားအဆီးကိုကျော်နိုင်ခဲ့ပြီဆိုရင်

၁၆ရာခိုင်နှုန်း အထက် ဖြစ်နေမယ် ဆိုရင်တော့ စျေးနှုန်းနဲ့ ရလာဒ်ကို အဓိကထားပြီး စဉ်းစားတတ်တဲ့ သူတွေကို ပစ်မှတ် ထားပါ။

ပရိုမိုးရှင်းအတွက် နည်းလမ်း ကတော့ အရောင်း ဝက်ဆိုက်တွေမှာ ရီဗျူးတွေ အများကြီး ရှိတာတို့ နာမည်ကြီး ဘလော်ကာ တွေဆီကနေ ရီဗျူးကောင်းတွေ ရထားတာ စတာတွေကို အလေးထားပြီး ဖော်ပြ သွားရုံပါပဲ

အရောင်းပို့စ် တွေထဲမှာ ဒီ Whitening Cream ကနေခြည်ဦး ရဲ့  instagram  မှာ ဝင်းမင်းသန်းရဲ့ Facebook မှာ ရီဗျူးကောင်းတွေ ရထားတာ Amazonမှာ ရီဗျူးကောင်း တွေရာကျော်အောင် ရှိနေတာ  စတာမျိုးတွေ ထည့်ပြီး ဖော်ပြ ပေးသွားရုံပါပဲ

၁၆ရာခိုင်နှုန်းကိုမကျော်တဲ့အခြေအနေမှာဆိုရင်

တစ်ဖက်မှာ ၁၆ရာခိုင်နှုန်း ထက်မကျော်ပါက ကိုယ့်အတွက် ဘာနဲ့ ကိုက်ညီမလဲ ရှာဖွေ နေကြသူများကို ပစ်မှတ် ထားရမှာ ဖြစ်ပါတယ်

သူတို့က ထုတ်ကုန်ရဲ့ ရလာဒ်ကို အထူးသဖြင့် ဒီပစ္စည်းက ပေးနိုင်တဲ့ ရလာဒ်က ကိုယ်လိုချင်တဲ့ ရလာဒ်ဖြစ်နိုင် မဖြစ်နိင် အပေါ် မူတည်ပြီး ဝယ်မဝယ် ဆုံးဖြတ်ကြပါတယ်

အဲ့ဒီအတွက် တစ်ခြားလူတွေရဲ့ ထင်မြင်ချက် စျေးနှုန်း စတာတွေ မဟုတ်ပဲ ဘယ်လို ရလာဒ် ရမယ်ဆိုတာကို အဓိက ထားပြီး ပရိုမိုးရှင်း လုပ်ပေးရမှာ ဖြစ်ပါတယ်

ဒီခရမ်က အရေပြားဆဲလ် အသစ် အစားထိုးခြင်းကို အထောက်အကူ ပြုတဲ့ ဗီတာမင်စီ ascorbic acid သာမန်ထက် သုံးဆပါဝင်တယ်

စတဲ့ အထူးရလာဒ်တွေကို ပြောပြပေးရမှာ ဖြစ်ပါတယ်

၁၆ရာခိုင်နှုန်းကိုသတ်မှတ်ချက်အဖြစ်ထားပြီး ပရိုမိုးရှင်းကိုခွဲပြီးစဉ်းစားပါမယ်

တစ်နည်းအားဖြင့် ထုတ်ကုန် အသစ် တစ်ခုကို မိတ်ဆက်တဲ့ အခါမှာ  ၁၆ရာခိုင်နှုန်း  ဆိုတဲ့ ဒီစံနှုန်းကို ထည့်စဉ်းစားရမှာ ဖြစ်ပါတယ်

ဒီကုန်ပစ္စည်းက ဘယ်လောက် လူကြိုက်များတယ် ဆိုတဲ့ အပေါ်ကို ကြည့်ပြီး ၁၆ရာခိုင်နှုန်း နှင့် အထက် ဖြစ်ပါက လူအများရဲ့ ရီးဗျူး ထင်မြင်ချက် စတာတွေကို အာရုံစိုက်ပြီး ၁၆ရာခိုင်နှုန်း ရဲ့အောက်မှာ ဆိုရင်တော့ထုတ်ကုန် အကျိုးသက်ရောက်မှုကို အာရုံစိုက်ပြီး ပရိုမိုးရှင်း လုပ်ပေးရမှာ ဖြစ်ပါတယ်

ဒီအထိကတော့ ဘယ်လို လုပ်ရမယ် ဆိုတဲ့အပိုင်း ဖြစ်ပါတယ်

ဒါကိုမာကက်တင်းသီအိုရီတွေနဲ့ရှင်းပြမည်

ဒီကနေ့ နောက်ပိုင်း ကတော့ မားကက်တင်း သဘောတရားပိုင်း ဆိုင်ရာတွေကို သိချင်တဲ့သူ

ကိုယ်အတွေးနဲ့ စမ်းသပ်မှု့တွေ ပြုလုပ်ချင်တဲ့ သူတွေအတွက် ရှင်းပြ သွားမှာ ဖြစ်ပါတယ်

ဒါကြောင့်  သဘောတရားပိုင်း ဆိုင်ရာတွေ စိတ်မဝင်စားတဲ့ သူတွေ ကတော့ ဒီအထိပဲ ကြည့်ပြီး ရပ်လိုက်လို့ ရပါတယ်

Chasm ကွာဟချက်

ဒါနဲ့ အရင်ဆုံး စံနှုန်းတစ်ခုဖြစ်တဲ့ ၁၆ရာခိုင်နှုန်း ဒါကို Chasm ကွင်းဆက်လို့ခေါ်ပါတယ်

Chasm ကို ၁၉၉၁ မှာ Everett Rogers က ၁၉၆၂ ခုနှစ်တွင် ထုတ်ဝေခဲ့တဲ့Diffusion of Innovation ကို အခြေခံပြီး Geffrey Moore ကCrossing the Chasm မှာစတင်ပြီး သုံးစွဲခဲ့တာ ဖြစ်ပါတယ်

Diffusion of Innovation ဆိုတာ ထုတ်ကုန်နဲ့ ဝန်ဆောင်မှု အသစ်များကို စျေးကွက် ထိုးဖောက်ခြင်းနဲ့ပတ်သက်တဲ့ သီအိုရီတစ်ခု ဖြစ်ပါတယ်

ဖြစ်စဉ်ကိုငါးပိုင်းခွဲခြားနိုင်ပါတယ်

ထုတ်ကုန်တွေနဲ့ ၀န်ဆောင်မှု ပျံနှံစေတဲ့ လုပ်ငန်းစဉ်ကို အဆင့်ငါးဆင့် ခွဲထားပါတယ်

ဒါကိုပျံနှံတဲ့အတိုင်းအတာအရ တစ်ခုချင်းစီကို Innovator、Early Adaptor、Early Majority、Late Majority、Laggard လို့ခေါ်ပါတယ်

Crossing the Chasm အကြောင်းပြောတဲ့ အထဲမှာတော့ ဒီငါးချက်ထဲက နှစ်ချက်ကိုပဲ ထည့်ပြော သွားပါမယ်

Innovatorနဲ့ Early Adaptor ကို အစောပိုင်း စျေးကွက် အခြေအနေ၊ Early Majority, Late Majority, Laggard ကိုတော့ အဓိက စျေးကွက် အခြေအနေ ဆိုပြီး ခွဲလိုက်ပါမယ်

ဒီအစောပိုင်း စျေးကွက် အခြေအနေနဲ့ အဓိကစျေးကွက် အခြေအနေကြားမှာ တစ်နည်းအားဖြင့် Early Adaptorနဲ့ Early Majority ရဲ့ကြားမှာ ကျိန်းသေ ကျော်ဖြတ်ရမည့် အတားအဆီး တစ်ခုရှိပါတယ်

အဲ့တာကို Chasm လို့ခေါ်ပါတယ်

အဲ့ဒီတော့ ဒီEarly Adaptorနဲ့Early Majorityရဲ့ကွဲပြားချက်က ဘာများဖြစ်မလဲ

ဒါကတော့ လူတွေက ဝယ်ဖို့ စဉ်းစားထားတဲ့ အရာနဲ့ သူတို့ တကယ်ဝယ်တဲ့ ပစ္စည်းက တူညီလေ့ မရှိတာကြောင့်ပဲ ဖြစ်ပါတယ်။

Early Adaptor ကသူတွေက

Early Adaptor မှာ ရှိနေတဲ့ သူတွေက ပစ္စည်းအသစ်တွေရဲ့ ဆွဲဆောင်ခြင်းကို ခံကြရပါတယ်

ကိုယ်တိုင် အချက်အလက်များ ရှာဖွေပြီး ကိုယ့်အတွေးအခေါ်နှင့် ကိုက်ညီမယ့် အရာတွေနဲ့ အနာဂတ်မှာ ရေပန်းစားလာနိုင်မယ့် အရာတွေကို စိတ်ဝင်စားကြပါတယ်

အဲ့ဒီအတွက် Early Adaptor နဲ့ပတ်သက်ပြီး ချဉ်းကပ်နည်းကတော့  သူတို့တွေရဲ့ ကောင်းမကောင်းဆုံးဖြတ်တဲ့ အချက်တွေနဲ့ ကိုက်ညီအောင် အချက်အလက်ကို တတ်နိုင်သမျှ များများ ပို့ပေးဖို့ အာရုံစိုက်ရမှာ ဖြစ်ပါတယ်

လောလောဆယ် စျေးနှုန်းနဲ့ပတ်သက်ပြီး သိပ်မစဉ်းစား ကြသေးတဲ့ သူတွေ ဖြစ်တာကြောင့် စျေးလျော့ရောင်းဖို့မလိုပါဘူး

Early Majority ကသူတွေက

Early Majority ကသူတွေကတော့ ယုံကြည်ဖို့ လွယ်တဲ့သူတွေ ဖြစ်ပါတယ်

တစ်ခြားလူတွေလည်း အသုံးပြုနေကြပြီး စိတ်ချရတယ်လို့ ထင်ရတဲ့ အရာတွေကို ဝယ်ယူကြပါတယ်

Early Adaptor တွေကနေပေးတဲ့ အချက်အလက်တွေက သူတို့ကို ကောင်းကောင်း လွှမ်းမိုးမှု့ရှိပြီး

ဒီပစ္စည်း ဒီဆားဗစ်က သုံးရတာ အဆင်ပြေရဲ့လား စျေးနှုန်းကသင့်ရဲ့လား စတဲ့အချက်တွေကိုစိတ်ဝင်စားကြပါတယ်

ဒါကြောင့် Early Majority တွေကို ချဉ်းကပ်နည်းကတော့  ဒီကုန်ပစ္စည်းရဲ့ ကောင်းတဲ့အချက် တွေကို ပြောပြနေရုံပဲ မဟုတ်ပဲ လူများစွာက ကြိုက်နှစ်သက်အသုံးပြုနေကြပြီး နာမည်ကြီး ပုဂ္ဂိုလ်တွေကလည်း ကောင်းမွန်ကြောင်း ထောက်ခံထားကြောင်း စတဲ့ အချက်အလက် တွေကို ပေးနိုင်ဖို့ကို အဓိက အာရုံစိုက်ပေးရမှာ ဖြစ်ပါတယ်

အနှစ်ချုပ်

ဒီတော့ အကျဉ်းချုပ် ပြန်ပြောကြပါစို့

ကုန်ပစ္စည်းအသစ် ဆားဗစ်အသစ် စတာတွေကို ရောင်းချမယ်ဆိုရင် ထည့်မစဉ်းစားလို့ မရတဲ့ အရာတွေ ကတော့ ကုန်ပစ္စည်းရဲ့ စျေးကွက် အတွင်းက လူကြိုက်များမှု့ ပမာဏပဲဖြစ်ပါတယ်

စျေးကွက် အတွင်း လူကြိုက်များမှု့ ၁၆ရာခိုင်နှုန်း ရှိမရှိ အပေါ်မူတည်ပြီး နည်းလမ်းတွေက ကွဲပြားသွားပါတယ်။ ဒါကို Chasm လို့ခေါ်ပါတယ်

ဒီChasmဆိုတဲ့ အဆင့် မရောက်သေးတဲ့သူ တစ်နည်းအားဖြင့် Early Adaptorမှာ ရှိနေတဲ့ လူတွေက ပစ္စည်းအသစ် ကိုယ့်နဲ့ပဲ ကိုက်ညီမယ့် အရာတွေကို စွဲလမ်းကြပါတယ်

သူတို့အတွက် ကိုတော့ အမျိုးမျိုးသော ရွေးချယ်စရာတွေ ကိုပြသပေးရမှာ ဖြစ်ပါတယ်

Chasmဆိုတဲ့ အဆင့်ကို ကျော်လွန်ပြီးတဲ့ သူများ Early Majority ကသူတွေကိုတော့ ဘယ်သူတွေက အသုံးပြုနေသလဲ ဆိုတဲ့ စိတ်ချရမှု့ ကိုကြိုက်ကြပါတယ်

သူတို့ကိုတော့ ဘယ်influencer ကအသုံးပြုနေတယ် ဘယ်နာမည်‌ကျော် ပုဂ္ဂိုလ်က အသုံးပြုနေတယ် စတဲ့ အချက်အလက်တွေကို ပေးပြီး လုပ်ကိုင်ရမှာ ဖြစ်ပါတယ်

ဒီနေ့တော့ ဒီလောက်ပါပဲ